عبد الله الارهابي - 1


**
وتلوح مثل حقول التفاح
ويهيم الصمت على وجهك والطرقات
وأصوات صبايا النبطية
والحزن الشيعي القدري
الى أين تسافر يا عبدالله الى أين تحاول
يا قافلة النار الى أين
وأنت سلاح وقلاع حمر عابسة
وجروح سوف يعمقها البعد
ويعجز فيها الطب وصبرك
يا من جربت جميع الأدوية العربية
جرب يا عبدالله دواء النار
أعظم ما في الطب العصري دواء النار
**
عبد الله الارهابي - لمظفر النواب

هناك ٩ تعليقات:

ملاك يقول...

شعوري انو كل يوم بمر و بلاقيك ما اضفت شي و بزعل شوي

الدور و الباقي عليك لتغيرلي هالشعور و تحط شي بقى بهالمدونة

حبيت شغلك واختيارك , مع انو وجعني

بالادق انو حبيتو لأنو وجعني

شكراً انو بتأكدلي انو شعوري بخير, طالما قادرة بعد احس بالاشيا, ولو بقصيدة قريتها من زماااان, و تصميم بمدونة

السريالي يقول...

مولانا ملاك
أكثر الأحيان بظن إني بحكي مع حالي ، سعيد جداً إنك بتطلعي عليها ، وما دام كذلك فأبشري بالتجديد


بقي أن أقول أنني تشخلعت إلى هنا
www.al-yassar.org


مودتي

غير معرف يقول...

مبروك افتتاح المدونة وانشاء الله بالتوفيق
خيا عندي سؤال
من وين جايب هالتصميم الحلو؟
زوروني
http://3arabi-7or.blogspot.com

ملاك يقول...

عجقت عليك بس انا قصيت شريط الافتتاح للتعليقات شكلها

:)

حبيت مجلة غيفارا, فيها اشيا خارج اطار التدوين الذاتي, لحد ما فيها تكون مصدر لمعلومات منيحة للغيفاريين


عوافي

:
يللا انا بانتظار الجديد و التجديد

وتحياتي يا رفيق

السريالي يقول...

غير المعرف ، أو العربي الحر .. مش فاهم كيف عربي وحر

بالنسبة لسؤالك ، الحقيقة هذا التصميم مسروق من متحف اللوفر ومعروض للبيع بمليونين دولار في حال كنت مهتم بالموضوع

::

ملاك
عقبال ما تصيري وزيرة وتقصي شريط مصنع أغطية الكولا في المتن
:P
بالنسبة لمجلة غيفارا ، هي خروج عن التدوين الذاتي نحو تدوين يعني يمكن أن نقول جماعي ، فريق تحرير مجلة مثلاً ، ستبقى بأية حال أفضل من المواقع اليسارية التي تتحول في النهاية احتكاراً لجهة ما

مودتي

غير معرف يقول...

والله بجوز معاك حق, كيف يعني عربي وحر ما بتلبقش على بعضها

ملاك يقول...

امم
هلق نحكي شوي جد زيادة عن ما قبل

اليوم صارلي وقت اطلع ع المجلة بكل مواضيعها, و حبيت كتير التنوع اللي بيغطي خريطة العالم تقريباً

بس في فكرة بحس انو ممكن نحكي فيها شوي, انو ليش غيفارا؟

يعني معليش انا حدا ما بيلاقي انو في حدا بالعالم _بكل العالم ع مر التاريخ_ هو سدرة المنتهى لاي شي: لا الثورة ولا الشعر و لا الرواية و لا حتى باختراع عظيم و مهم زي الشوكولاته ;)

فيعني المجلة بتوقيت انطلاقتها و تنوع مواضيعها بتحكي عن الثورة كفكرة موجودة و مشتعلة بالعالم كتعبير عن الرفض والرغبة بايجاد عالم افضل ممكن منذ وجد الانسان, فليش تسمية المجلة بإسم احد هالثوار? مع كل احترامي للتشي و اسهامه الملموس و المهم بفكرة و روح الثورة عبر الاجيال اللي اجت بعده

بالنهاية هالحكي ممكن يضل بلا قيمة يمكن لحدا معتبر انو غيفارا هو رمز مطلق, بس انا بعتبر انو اللي بيقدر يصيغ مقدمة بجزالة وترابط ما يستقبلنا به موقع المجلة, ممكن ينحكالو هيك رأي بيقول انو غيفارا احد رموز عظيمة للانسانية, بس لا يفوق اهمية ارسطو مثلا, اوإليسار او الحسين بن علي بن ابي طالب او سهى بشارة او مارتن لوثر كينغ

ولأنو "واجب الثورة ان يصنع الثورة" بحسب دكتور ارنستو, فواجبنا نصنع ثورة يومنا لغد الانسانية كلها, زي ما عمل تشي, مهتدين بنور تجربته هو ورفاقه الكتار المجهولين, بالزبط زي ما منهتدي بتجارب عظيمة سبقته و لحقته بتاريخ الانسانية

السريالي يقول...

ملاك

أحد اتجاهات اليسار الثوري التي يغطيها الموقع وهم الانارشست فيهم تيار يشتم تشي غيفارا بالرغم من حبه له ، بمعنى آخر وحسب جملتهم
Ignore the heros
وأنا لست ممن يقدسون الأيقونات ، المشكلة أن غيفارا حارب الأيقونات وأصبح أيقونة وماركة تلصق على الملابس وحبوب النشوة والكلاسين الحلوة

ليش غيفارا ؟
لأنه برأيي غيفارا هو الرمز الأشهر لليسار الثوري أو خلينا نقول الراديكالي ، وأيضاً لشهرته اللي وصلت أخوتنا في التحشيش وأخواتنا في السترنغ وبالتالي جاذبية الاسم ، مع ذلك قدامك كثير مزز بيحبوا تشي غيفارا بس ما بيعرفوا عنه شي ! ما بظن إنه أي وحدة أو واحدة بيجذبه اسم الموقع وبيدخله بحكم انه بيدور على شي عن تشي غيفارا مش راح يطلع بإشي عن اليسار ككل .. لاحظي أنه غيفارا مذكور بكل الموقع بس باسم المجلة وبالشعار .. وبحكم إني زلمه عاطفي وحساس راح أوخذ المزز اللي بيحبو غيفارا على جنب وأعطيهم دروس تعبئة فكرية عنه
:P

نهاية ، صدقيني أنا أعتبر عامل النظافة في وكالة غوث اللاجئين متساوي في العظمة مع غيفارا على اعتبار انه الاثنين منتمين لطبقة الماكلين هوا .. شكراً لاهتمامك

ملاك يقول...

وينك وينك؟